യൂറോപ്യന് രാജ്യങ്ങളെ പിന്നിലാക്കി ഇന്ത്യക്ക് ലോകത്തില് ഏറ്റവും കൂടുതല് സമ്പന്നരായ കുടുംബങ്ങളുള്ള രാജ്യങ്ങളില് രണ്ടാം സ്ഥാനം. ഇന്ത്യയോടൊപ്പം ചൈനയും ലോകത്തില് ഏറ്റവും കൂടുതല് സമ്പന്നരായ കുടുംബങ്ങളുള്ള രാജ്യങ്ങളുടെ പട്ടികയില് മുന്നിരയില് ഇടംപിടിച്ചു.
ഇന്ത്യയിലെയും ചൈനയിലെയും മൂന്ന് മില്ല്യണ് കുടുംബങ്ങള്ക്ക് ഒരു ലക്ഷത്തിലേറെ അമേരിക്കന് ഡോളറിന്റെ നിക്ഷേപമുണ്ടെന്ന് സര്വ്വെ പറയുന്നു. ആഗോള വിപണി ഗവേഷണ ഏജന്സിയായ ടി.എന്.എസ്. നടത്തിയ സര്വേയിലാണ് ഈ വെളിപ്പെടുത്തല്
31 ദശലക്ഷം സമ്പന്ന കുടുംബങ്ങളുമായി അമേരിക്കയാണു പട്ടികയില് ഒന്നാമത്. പട്ടികയില് ഇന്ത്യ രണ്ടാമതാണ്. നിരവധി യൂറോപ്യന് രാജ്യങ്ങളെ പിന്തള്ളിയാണ് ഇന്ത്യയും ചൈനയും ബ്രസീലും പട്ടികയില് മുന്നിരയിലെത്തിയത്. അമേരിക്കയിലെ 27 ശതമാനം കുടുംബങ്ങളും സമ്പന്നരാണ്. ഇന്ത്യയില് ഇത് 1.25 ശതമാനവും ചൈനയില് 0.75 ശതമാനവുമാണ്.
ആദ്യ അഞ്ച് രാജ്യങ്ങളില് ഇടം പിടിച്ച ഒരേയൊരു യൂറോപ്യന് രാജ്യം സ്വീഡനാണ്. ഇന്ത്യയ്ക്കും അമേരിക്കക്കും സ്വീഡനുമൊപ്പം യു.എ.ഇയും സിംഗപ്പൂരുമാണ് ആദ്യ അഞ്ചിലിടം കണ്ടെത്തിയ മറ്റ് രാജ്യങ്ങള്. ബ്രസീലിനൊഴികെ മറ്റെല്ലാ രാജ്യങ്ങള്ക്കും ഒരു ലക്ഷം അമേരിക്കന് ഡോളറായിരുന്നു അടിസ്ഥാനപരിധി. ബ്രസീലിന്റെ അടിസ്ഥാനപരിധി 40,000 ഡോളറായിരുന്നു.
No comments:
Post a Comment